2011年1月13日

折翼鳳凰 8:出門旅行 要帶雙飛人



好辛苦咁捱多一晚超級巨聲後,第二朝早緊係拿拿聲離開,昨晚訂好10am車出張家界,預早出去食個早餐就上車,坐差不多四個多小時至到。都係三點未夠距離今晚十點機時間實在有夠充裕,不過如果唔去張家界景區遊覽,响市內實在沒多大作為,先找間cafe坐坐再算,點知呢一坐就爭啲坐到起唔到身...事關唔知點解忽爾又痾又嘔,彷彿中了脫皮降要將五內反轉大清洗一樣,搞到四肢無力面有菜色。除了不斷行出行入就係踎底起身,雖然話無乜地方好去都未至於要搞到邊度都唔洗去,就係咁一直响咖啡室滾搞咗幾粒鐘待狀況好轉一點才能動身去機場,寧願死响機上都要執意離開這個鬼地方。不過連最後一程的士都要比人昆,明明十蚊路程就架架都要收廿蚊先肯開車,歸心似箭就擺明比你賺錢,點都要順利去到機場無鞋挽屐走,行得出去就唔好再望番轉頭!

4 則留言:

k 說...

多災多難之旅, 還好各人平安回來!

pAndAmAniA 說...

不幸中之萬幸

yum 說...

驚唔驚下次無咁好彩?!?!?!!

pAndAmAniA 說...

今次都算好彩,起碼有地方去方便下...